Prif Swyddog Gweithredol
Bwrdd Iechyd Prifysgol Bae Abertawe

Annwyl Ymgeisydd

Diolch am eich diddordeb yn rôl Prif Swyddog Gweithredu Bwrdd Iechyd Prifysgol Bae Abertawe. Dyma rôl hollbwysig a fydd yn gyfrifol am sicrhau cyflenwad a pherfformiad gweithredol system gyfan llwyddiannus, a gwelliant parhaus yr holl wasanaethau a ddarperir gan y Bwrdd Iechyd.Bydd y rôl yn hyrwyddo ein gwerthoedd, cenhedaeth a chydraddoldeb, amrywiaeth a chynhwysiant gyda'r bobl a'r cymunedau yr ydym yn eu gwasanaethu.

Drwy arweinyddiaeth o'r pedwar prif grŵp gwasanaeth, chi fydd yn arwain ar ddatblygu atebion gwasanaeth a sefydliadol arloaesol a ffyrdd o weithio i ategu amcanion strategol y Bwrdd Iechyd, yn enwedig ar draws gofal critigol ac acíwt.

Mae'r rôl yn dod ar gyfnod o newidiadau sylweddol i BIPBA ac ar draws ein cymunedau. Rydym i gyd yn teimlo effeithiau COVID ac mae'r argyfwng costau byw yn cael effaith ar bob teulu, cartref, busnes a gwasanaeth cyhoeddus. Mae gennym raglen weithgar o foderneiddio a gwella ar y gweill o’r enw Newid ar gyfer y Dyfodol, sy’n rhoi’r gwersi a ddysgwyd gennym o Covid ar waith, yn buddsoddi miliynau mewn moderneiddio gwasanaethau a’u siapio i fodloni pwysau heddiw a’r galw yn y dyfodol, gan wella ansawdd gofal a chanlyniadau a chanolbwyntio ar les a gwydnwch staff. Eich rôl chi fydd gwneud yr ymdrech gymhleth hon yn ddiriaethol.

Rwyf yn credu ei bod yn hanfodol bod gennym yr arweinyddiaeth, sgiliau a’r adnoddau proffesiynol i gynnwys pobl yn y gwaith o lunio a deall cynlluniau, gan eu hymgysylltu drwy’r cyfnodau pontio, hyrwyddo cydraddoldeb, amrywiaeth a chynhwysiant ac adrodd yn ôl a chael ein dwyn i gyfrif am ein gweithredoedd. Rydym yn ymrwymedig i'n strategaeth, ein tîm a'n buddsoddiad newydd.

Bydd y person yr wyf yn chwilio amdano yn y rôl hon yn rhywun sydd â phrofiad profedig o weithio ar lefel strategol a chyfrannu ar lefel uchel iawn, yn agos at neu ar lefel Bwrdd mewn sefydliad cymhleth mawr, yn ddelfrydol o fewn y GIG ac ar draws systemau gofal iechyd cyfan. Yr arddull yr wyf yn chwilio amdani fydd un sy'n canmol tîm gweithredol a bwrdd cryf a blaengar ond a all ddod ag egni, brwdfrydedd a chraffter gwleidyddol i rôl gyffrous ynghyd â sgiliau cysyniadol a dadansoddol cryf.

Credwn yn gryf fod ymgysylltu a chyfathrebu ystyrlon yn hanfodol o ran galluogi gofal a chanlyniadau o ansawdd uchel i gleifion a lles staff a boddhad swydd. Os hoffech chi wneud gwahaniaeth, lle gall eich sgiliau ffynnu, a bod eich gwerthoedd a'ch ymrwymiad i wasanaeth cyhoeddus, y GIG a llesiant yn cyd-fynd â'n rhai ni, yna ymgeisiwch, ac edrychwn ymlaen at dderbyn eich cais.

Mark Hackett

Prif Weithredwr